Linux aftur

Jæja, kominn með Linux aftur, Suse 9.1. Sumir fá sér Linux því “Micro$oft er svo mikið drasl” eða “Linux er miklu betra en Windows”. Ástæðan fyrir því að ég skipti er hinsvegar einföld: Linux er með Frozen Bubbles sem er besti leikur í heimi! Sami leikur og BubbleShooter en Frozen Bubbles er samt mest töff, besta útgáfan af þessum leik!

Jólafrí!!!

Loksins kominn í jólafrí, vefþjónustur búnar, gengu vel, bæði verkefnið og prófið. Hef aldrei verið svona þreyttur eftir annarverkefni! Bíllinn kominn á verkstæði þannig að á morgun get ég hætt að nota “#%$(%#”#$ strætó. Allt í góðu gengi 🙂

Þjóðfélagsumræða

Undanfarið hefur verið mikil umræða í fjölmiðlum um forsetakosningarnar í Úkraínu. Júsénkó, forsetaframbjóðandi stjórnarandstöðunnar tapaði kosningunum, en hinsvegar fékk hann ekki eðlilegan aðgang að fjölmiðlum meðan á kosningabaráttunni stóð, það virðist hafa verið eitrað fyrir honum og sennilega hefur kosningasvindl verið í gangi. Þetta er áhugavert mál og vekur upp margar flóknar spurningar um kosningar, lýðræði, siðferði og fjölmiðla. Hvernig er best hægt að tryggja að kosningar séu réttlátar? Hver eru hlutverk og skyldur fjölmiðla í lýðræðisríki? Sú spurning sem hefur verið mér efst í huga og valdið mér mestum heilabrotum síðustu daga er samt þessi: Hvor mundi vinna ef Superman og He-Man færu í slag? Þetta er erfið spurning sem er ekki með neitt eitt rétt svar. Superman getur náttúrulega flogið sem er ótvíræður kostur en hinsvegar verðum við að taka tillit til þess að He-Man er vopnaður, hann er með sverð! Það leiðir okkur svo að annarri spurningu: Af hverju fer Superman ekki bara og nær sér í vopn? Er þetta eitthvað karlmennskustolt í honum að vilja bara berjast með berum hnefunum? Ímyndið ykkur hversu öflugur Superman væri ef hann gæti flogið OG væri með skammbyssu og/eða riffil! Það væri rosalegt!

Meiri þjóðfélagsumræða síðar…

I like to love C#.NET

Ofurforritarinn Sreejith
Jæja, erum enn hérna um miðja nótt að gera vefþjónustur. Erum 4 í hópnum, ég, Hrannar, Finnur og Bjarni en við hefðum ekki getað gert þetta án 5. leynimeðlimsins sem er hinn geysiöflugi indverski forritari Sreejith SS Nair. Sreejith skrifaði mjög fínan Datagrid component sem Bjarni notaði í winclient-inum okkar, en þennan component má finna á CodeProject.com ásamt fleiru sem Sreejith hefur gert. Hann er mjög hress gaur sem hefur póstað 783 sinnum á CodeProject á síðustu 10 mánuðum og helsta áhugamál hans samkvæmt síðunni hans er einmitt “I like to love C#.NET”. Sreejith vinnur hjá Neosoft en þeirra mottó er:

Are you Solving problems
or Having problems
Solving them

Ég þurfti að lesa þetta svona 5 sinnum til að skilja. Meikar samt sens þegar maður fattar það 🙂 . Ég vill hérmeð þakka Sreejith fyrir hans framlag.

Karen á afmæli

Karen á afmæli í dag og er 24. Allir að óska henni til hamingju 🙂

Er annars uppí skóla að gera vefþjónustuverkefnið ógurlega. Vefþjónustur virðast ganga 90% útá að böggast í stillingum í Windows þannig að það er gaman…

Icelandic candy

Fór með pakka sem á að fara til útlanda á pósthúsið áðan. Hann innihélt meðal annars harðfisk. Maður átti að skrifa nákvæma innihaldslýsingu á fylgiskjalið. Eh, hard fish? Dried fish? Konan á pósthúsinu sagði mér að skrifa bara “icelandic candy”. Ef fólkið í tollinum úti opnar þennan pakka á það örugglega eftir að halda að Íslendingar búi ennþá í snjóhúsum og séu eskimóar, eina nammið okkar sé harðfiskur!

Lokaverkefni og svör við getraun

Erum búnir að velja lokaverkefni, verðum hjá Libra. Gera server sem talar við eitthvað XTP protocol frá kauphöllinni, taka á móti pökkum, pæla í headerum, svaka stuð. Gerum líka Client forrit.

Svo er einmitt vísindaferð í Libra á föstudaginn, eða reyndar Tölvumyndir sem er yfirfyrirtækið. Allir eiga að mæta, ekkert rugl um að það sé of mikið að gera í vefþjónustum, það er fínt að forrita þunnur á laugardegi!

Svörin í kvikmyndagetrauninni komin og það eru tvær með öll svör rétt, það eru Unnur og Ósk. Þær eiga báðar inni hjá mér dós af jólaöli. Annars gekk fólki miklu betur með þessa getraun en þá síðustu, allir voru með meira en helming réttan. Svörin eru allavega:

  1. Office Space. Karakterinn er forritari sem er svo óheppinn að heita Michael Bolton. Snilldarmynd!
  2. Men in Black, K (Tommy Lee Jones) segir þetta. Mynd 1 var snilld, mynd 2 var sorp.
  3. Batman Returns, Penguin segir þetta við Batman. Batman 1 og 2 voru snilld, síðan varð serían að sorpi þegar Jim Morrison fór að leika Batman og fór endanlega í skítinn þegar George Clooney tók við.
  4. Spiderman, amman við Peter Parker. Fín mynd, 2 líka.
  5. Austin Powers, Dr. Evil. Myndir 1 og 2 voru mesta snilld ever, mynd 3 var orðin hálf þreytt eitthvað.
  6. Matrix, Neo og creepy ofurvitri krakki. Fyrsta myndin er algjör snilld, sá mynd 2 og fannst hún drasl, hef engan áhuga á að sjá 30 tölvuteiknaða kalla berjast við hvorn annan. Hef ekki nennt að sjá síðustu myndina. Þeir hefðu átt að gera bara fyrstu myndina og hætta svo.

Og súpererfiða bónusspurningin sem enginn svaraði: Danny Elfman, mesti kvikmyndatónlistarsnillingur ever samdi theme-in í myndum 2, 3 og 4. Samdi einmitt líka Simpson theme-ið og tónlistina í öllum Tim Burton myndum. (Já, ég veit að venjulegt fólk pælir ekki í hver samdi tónlistina í myndum sem það er að horfa á, þess vegna var þetta *bónusspurning* ).

Hugsa að þetta verði síðasta kvikmyndagetraunin. Spurning um að hafa kannski öðruvísi getraun, tónlistargetraun eða eitthvað. Hugmyndir?

Ný kvikmyndagetraun

Var að horfa á The Great Outdoors með Dan Akroyd og John Candy. 80’s grínmyndir klikka aldrei :). Í tilefni af því er hérna ný kvikmyndagetraun, léttari en síðast. Það er til mikils að vinna því að í verðlaun er hálfslíters dós af Egils jólaöli, óopnuð. Ef fólk sem býr í Bretlandi vinnur getur það vitjað vinningsins þegar það kemur heim í jólafríinu ;). Kommentin eru falin þangað til kl. 12 á þriðjudag, þá kemur í ljós hver vinnur.

  1. “You know there’s nothing wrong with that name.”
    “There *was* nothing wrong with it… until I was about 12 years old and that no-talent ass clown became famous and started winning Grammys.”
  2. Arquillian battle rules: first we get an ultimatum, then a warning shot, then a galactic standard week to respond.
  3. You’re just jealous because I’m a genuine freak and you have to wear a mask.
  4. You do too much! You’re not Superman you know.
  5. I demand the sum… OF 1 MILLION DOLLARS!
  6. “Do not try and bend the spoon. That’s impossible. Instead… only try to realize the truth.”

    “What truth?”

    “There is no spoon.”

Súpererfið bónusspurning: Hvað er sameiginlegt með myndunum í spurningum 2, 3 og 4?

Lokaverkefnisundanúrslit

Jæja, erum búnir að strika Icelandair útaf listanum yfir möguleg lokaverkefni. Leiðinlegt, þar sem þeir voru tilbúnir að senda okkur til Frankfurt til að kynna verkefnið í lokin en mig langar ekki að eyða 3 mánuðum í að parsa html á 20 mismunandi vefsíðum.

Þau fyrirtæki sem eru nú eftir eru:

  1. Libra: Góð kaffivél + sparkly vatn + kók og nammi innanhúss.
  2. Betware: Foosball + píluspjald + góð kaffi og vatnsvél + risastórt cutout af Clint Eastwood og Marilyn Monroe. Það væri nú ekki slæmt að hafa Clint við hliðina á sér þegar maður er að forrita!
  3. Marorka: Venjuleg kaffivél, venjuleg vatnsvél. Gott útsýni.
  4. LH-Tækni: Ekki búnir að fara á fundinn.
  5. Icelandair: Ferð til Frankfurt.

Erfitt val, en Libra og Betware eru að slást um toppsætið a.m.k. núna…