Haha, nýr póstur frá dr. Kristni gervigreindartöffara að auglýsa sumarstarf. Hér eru kröfurnar til umsækjenda:
“Nauðsynlegt er að hafa reynslu í Java forritun. C++ forritunarreynsla er æskileg. Góð er tök á íslenskar tungumál einnig góð góð.”
Snilldarfyndinn gaur 😀
Var í Bónus í dag. Sá þar rakvél, næstum eins og mína, nema þessi var Turbo útgáfan (eins og fólk sem þekkir mig veit þá er ég með geysimikinn og grófan skeggvöxt sem veldur því að ég þarf að raka mig allt að 4 sinnum í mánuði). Þetta fannst mér áhugavert, Turbo rakvél! Og það er ekki eins og ég sé með einhverja svona ofur rafmagnsrakvél með beinni innspýtingu eða eitthvað, nei, þetta er bara venjuleg Gillette Mach 3 skafa. Ég bara skil ekki hvað Turbo útgáfan getur mögulega haft framyfir mína rakvél? Beittari blöð? Ehh, kröftugra handfang? Það er bara ekki svo mikið í svona tæki sem hægt er að bæta!
Búinn að sjá nýju StarWars myndina. Langbest af nýju myndunum! Nú þarf ég bara að kíkja aftur á þessar gömlu 🙂
Það verður ekkert smá mikil snilld þegar ég get strákurinn okkar getur farið að leika sér með tæknilegó og fjarstýrða bíla!!
Er að horfa á Eurovision. Gísli Marteinn að kynna:
“Og nú er komið að eistum!”
Hló upphátt. Húmorinn minn er á rosalega háu plani…
Sýning búin, gekk vel, fæðingarorlof næst á dagskrá, gott mál 🙂
Vorum að fá póst frá dr. Kristni gervigreindartöffara. Þar auglýsir hann eftir “mannsheila” til að vinna “beint í kyngimögnuðu sniðmengi gervigreindar og tölvugrafíkur”. Greinilegt að ef maður vill hljóma gáfaður þá á maður að nota stór orð. Kannski ég reyni að finna einhver svona fín orð til að nota í sumar, á meðan heilinn á mér verður í kyngimögnuðu sniðmengi svefnleysis og bleyjuskipta :).
Hversu svalt væri það ef ég gæti skírt son minn Luke ?
Snilldardagur í gær. Skiluðum inn lokaverkefninu okkar kl. 3 um daginn. Kl. 6 fórum við svo í surprise partý fyrir Guðrúnu sem Nicolai kærastinn hennar hafði planað. Partýið var haldið hjá pabba hennar og var algjör snilld, matur frá Nings, nóg af bjór og rauðvíni og eitthvað vafasamasta geisladiskasafn sem sést hefur!! Eftir að hafa skoðað þetta rosalega geisladiskasafn (Andrea Boccelli/Josh Groban/Norah Jones o.s.fv) þá gátum við ekki annað en ályktað að pabbi hennar Guðrúnar ynni við að semja playlistann fyrir Létt 96.7. En, einmitt þegar við vorum búin að sætta okkur við að eyða kvöldinu í að hlusta á ‘Michael Bolton – The Anthology’, þá kom 11 ára bróðir hennar Guðrúnar okkur til bjargar með KoRn og Guns’n’Roses. Eftir nokkrar sekúndur af Guns’n’Roses disknum kom reyndar í ljós að þetta var panflautuútgáfan af Welcome to the Jungle (ok, ekki alveg, en næsti bær við, Verslóútgáfan) en það var samt 100 sinnum betra en restin af tónlistinni þarna.
Eftir partýið hjá Guðrúnu var svo farið í annað partý hjá Völu. Því miður fer var Singstar græjan ekki í gangi þannig að ég og Vala gátum ekki tekið Daniel Bedingfield dúett en það verður bara gert í næsta partýi. Á endanum fórum við svo í HR partý á Broadway, var þar í nokkra tíma og rölti síðan heim með viðkomu á nammibarnum í 10-11. Fínt kvöld :).
Jæja, erum núna að leggja lokahönd á þetta blessaða lokaverkefni. Erum búnir að sitja hérna sveittir í fjóra mánuði við að gera þetta sem best og held að þetta hafi bara komið mjög vel út. Nú er bara djamm á morgun, sýning 19. og útskrift 11. og þá er maður orðinn tölvunarfræðingur :). Erum búnir að vera hérna alla daga og kvöld síðustu vikurnar og húmorinn er orðinn nokkuð súr. Þær setningar sem hafa oftast heyrst undanfarna 4 mánuði hérna í kompunni okkar eru eftirfarandi:
“Getum við ekki notað message queue í þetta?”
“Ertu með alvöru gögn eða ertu að gengereita?”
“…þetta er bara einsog röð af ljósmyndum”
“Word formatting er DAUÐI!”
“Nú verðum við bara að forrita eins og vindurinn!!”
“Eruði búnir að skrá tímana ykkar?”
“Það er eitthvað crappity í gangi”
“Eigum við ekki bara að sleppa stærðfræðilegum reikniritum?”
“Ertu búinn að tjekka inn?”
“Ertu búinn að getta latest?”
“Finnur, geturðu sagt mér aftur hvað ávöxtunarkrafa er?”
“Æi, eigum við ekki bara að gera bloggkerfi?”