Author Archives: einar

Brandari

Q: Why does Noddy have a bell in his hat?

A: ‘Cause he’s a cunt!

Las þennan eðalbrandara í viðtali við Ricky Gervais í blaðinu Q. Ricky Gervais er aðalgaurinn í The Office sem ég hef aldrei horft á af viti en sumir segja að sé snilld. Hann var semsagt spurður hvort hann kynni einhverja brandara og þetta var brandarinn sem hann kom með. Skelfilegur brandari en mér fannst hann samt mjög fyndinn af einhverjum ástæðum. (Noddy er btw Doddi á íslensku, Doddi og Eyrnastór voru söguhetjur í einhverjum barnabókum hérna í gamla daga og þar var hann með asnalega húfu með bjöllu).

Nýherjavísindaferð

Ágætis vísindaferð í gær, fórum í Nýherja. Fengum 3 fyrirlestra, einn um SAP kerfið frá einhverjum yfirmanni sem var allt í lagi, einn góðan frá forritara um low level dótið í kerfinu sem hann sagði að væri mjög þýskt og maður gæti rekist á breytunöfn eins og “der fuhrer” og að lokum fengum við einn fyrirlestur frá einhverjum super slick jakkafatagaur um hvernig .NET væri framtíðin og hvernig við ættum að haga okkur til að fá vinnu. Reyndum að fara í smá drykkjuleik í fyrsta fyrirlestrinum, drekka þegar gaurinn sagði SAP en gáfumst eiginlega strax upp þar sem hann sagði SAP álíka oft og strumparnir segja strump. “SAP kerfið er geysiöflugt, við höfum SAP-forritara og SAP-ráðgjafa sem kenna SAP-viðskiptavinunum á hina ýmsu hluta SAP, t.d. mannauðsSAP, logisticsSAP, accountingSAP og fleiri SAP-hluti. Endilega fáið ykkur smá bjórSAP meðan þið hlustið á SAP-fyrirlesturinnSAP.”

Fórum svo í sal þar sem var haldið áfram keppninni OfurNjörður 2005 við HÍ. Vorum búin að vinna í fótbolta og dodgeball fyrr um daginn. Unnum í vélritun, töpuðum í Singstar,Eyetoy og Twister. Eyetoy er definitely mest dull drasl ever, a.m.k. þessi leikur sem var keppt í þarna. Töpuðum svo bjórdrykkjukeppninni sem er nú helvíti slappt og enduðum á því að tapa OfurNjerði. Gengur bara betur næst…

Numb3rs

Stærðfræðileg greining strikes back! Erum núna að byrja í gervigreindarpartinum á Stærðfræðilegum reikniritum sem ég hélt að mundi vera snilld, forrita talandi róbota eða gáfaðar þvottavélar eða eitthvað, en þá kemur í ljós að það er bara meiri stærðfræðileg greining, diffrun og heildun! Ég sem hélt að ég væri búinn með það að eilífu.

Nýji uppáhaldsþátturinn minn er annars um stærðfræði, nokkurnveginn. Heitir Numb3rs og fjallar um tvo bræður, annar er lögga og hinn stærðfræðisnillingur. Stærðfræðisnillingurinn lítur að sjálfsögðu út eins og hann sé klipptur úr Dressmann auglýsingu (eins og stærðfræðisnillingar gera nú yfirleitt) og er mjög duglegur við að hjálpa löggubróður sínum að leysa mál með hjálp flókinna stærðfræðijafna. Er búinn að horfa á 2 fyrstu þættina og formúlan fyrir þáttunum virðist vera nokkurnveginn svona:

  1. Raðmorðingi/bankaræningjar/hryðjuverkamenn eru búnir að drepa/ræna/sprengja á nokkrum stöðum í borginni.
  2. Stærðfræðisnillingurinn kemur til bróður síns með snilldarformúlu og reference í einhver fræg lögmál til að redda málinu. “Ég er með lausnina, samkvæmt Heisenberg-formúlunni/3. lögmáli Einstein/Wulff Morgenthaler-jöfnunni er hægt að finna út hvar þeir láta næst til skarar skríða. Ég er kominn með formúlu sem ég reiknaði út, x2 + 3″.
  3. Löggurnar fara á staðinn sem stærðfræðisnillingurinn benti á en það er einhverskonar klúður og vondu kallarnir mæta ekki og fólk deyr.
  4. Stærðfræðisnillingurinn er í öngum sínum, trúir því ekki að x2 + 3 hafi ekki virkað og fer heim í bílskúr þar sem hann krotar mikið af stærðfræðiformúlum á krítartöflur meðan töff tónlist hljómar í bakgrunni.
  5. Stærðfræðisnillingurinn kemur hlaupandi til löggubróður síns á síðustu stundu, “ég fann villuna, ég fann villuna, þetta átti að vera x2 + 4, ekki x2 + 3!!”
  6. Löggur ná vonduköllum, allt endar vel.

Þetta er semsagt snilldarþáttur sem ég ætla að halda áfram að fylgjast með 🙂

Shogun Assassin

Shogun Assassin“When I was little… my father was famous. He was the greatest samurai in the empire; and he was the Shogun’s decapitator. He cut off the heads of a hundred and thirty-one lords. It was a bad time for the empire. The Shogun just stayed inside his castle — and he never came out. People said his brain was infected by DEVILS. My father would come home — he would forget about the killings. He wasn’t scared of the Shogun, but the Shogun was scared of him. Maybe that was the problem. Then, one night… the Shogun sent his ninja spies to our house. They were supposed to kill my father… but they didn’t. That was the night everything changed.”

Var að horfa á mikla snilldarmynd um daginn, Shogun Assassin. Þetta er japönsk samúræjamynd frá 1980, döbbuð á ensku og fjallar um mikinn samúræja, Lone Wolf, sem ferðast með 5 ára son sinn um Japan og er stanslaust að berjast við ninjur. Þeir sem hafa séð Kill Bill 2 og muna eftir því þegar litla stelpan vill fá að horfa á video muna kannski eftir byrjunarorðunum í myndinni, þau eru sögð af litlum krakka og heyrðust mjög greinilega í Kill Bill. (Þetta var líka notað sem sampl á Wu-Tang plötunni Liquid Swords sem ég fílaði þegar ég var 14 🙂 ).

Maður sér líka í þessari mynd ýmsar fyrirmyndir fyrir Kill Bill, t.d. hvernig blóðið sprautast á fullu þegar samúræjinn heggur hausa og hendur af fólki og það er líka gamall kall sem er með hvítt sítt hár og svakalegar augnabrúnir sem er ekki ósvipaður gamla gaurnum sem þjálfaði Umu Thurman í Kill Bill. Það sem er svo extra cool er að aðalgaurinn sem er svona fertugur japanskur samúræji er döbbaður á ensku með svakalegri bandarískri töffararödd. Ég mæli sterklega með því að allir kíki á þessa mynd!

Nokkur góð kvót úr myndinni:

“I am the supreme Ninja!”
”
Lone Wolf, prepare to DIE!”

“Now we will show you…. Masters of Death!!!”

Nammi í reikning

Get fengið mér nammi og kók í reikning hjá Libra. Er ekki svo viss um að þetta sé góð hugmynd. Sé fram á að í lokaskoðun á kerfinu segi þeir “Já, ágætis kerfi hjá ykkur en þú skuldar okkur 82.000 í nammireikning”. Get kannski fengið einhverskonar greiðsludreifingu á þetta, tekið þetta á 36 mánuðum. Hinsvegar er nú nammið á mjög góðu verði, get t.d. keypt Florida súkkulaðistykki (eins og hraun, nema með kókos utaná ) á 40 krónur. 40 krónur!! Á þessu verði hef ég ekki efni á að kaupa það ekki!!

Og einnar spurningar kvikmyndagetraun í lokin, 40 króna Florida í verðlaun. Í hvaða mynd var eftirfarandi sagt:

“1.21 Gigawatts? 1.21 GIGAWATTS?!?!? Great Scott!”

Svör falin þangað til 16:00 á sunnudaginn 30. jan.

Bóla

Fótbolti á Skjá einum. Þoli ekki íþróttir! Íþróttir eru bara bóla, bóla sem á eftir að springa! Ég spái því að eftir nokkur ár muni enginn muna eftir þessum “íþróttum”…

Pravda

Muna: Ekki skrá sig oftar í óvissuferð! Stóð á viskuvefnum að það væri óvissuvísindaferð og á eftir væri svo farið á Pravda. Óvissan gekk semsagt útá það að keyra um í svona hálftíma í rútu, síðan var farið beint á Pravda. Að fara á Pravda án þess að vera orðinn fullur er eins og að fara í uppskurð án deyfingar. Ákvað að koma mér bara heim og taka DVD í staðinn.