Hvor þessara manna er nýr forseti tölvunarfræðideildar HR ? Og hvor þeirra er eðalleikarinn Dolph Lundgren? (Fyrir þá sem vita ekki hver Dolph Lundgren er þá lék hann m.a. He-man í meistaraverkinu Masters of the Universe og rússneska boxarann Ivan Drago í Rocky 4.)
Get fengið mér nammi og kók í reikning hjá Libra. Er ekki svo viss um að þetta sé góð hugmynd. Sé fram á að í lokaskoðun á kerfinu segi þeir “Já, ágætis kerfi hjá ykkur en þú skuldar okkur 82.000 í nammireikning”. Get kannski fengið einhverskonar greiðsludreifingu á þetta, tekið þetta á 36 mánuðum. Hinsvegar er nú nammið á mjög góðu verði, get t.d. keypt Florida súkkulaðistykki (eins og hraun, nema með kókos utaná ) á 40 krónur. 40 krónur!! Á þessu verði hef ég ekki efni á að kaupa það ekki!!
Og einnar spurningar kvikmyndagetraun í lokin, 40 króna Florida í verðlaun. Í hvaða mynd var eftirfarandi sagt:
“1.21 Gigawatts? 1.21 GIGAWATTS?!?!? Great Scott!”
Svör falin þangað til 16:00 á sunnudaginn 30. jan.
Fótbolti á Skjá einum. Þoli ekki íþróttir! Íþróttir eru bara bóla, bóla sem á eftir að springa! Ég spái því að eftir nokkur ár muni enginn muna eftir þessum “íþróttum”…
Muna: Ekki skrá sig oftar í óvissuferð! Stóð á viskuvefnum að það væri óvissuvísindaferð og á eftir væri svo farið á Pravda. Óvissan gekk semsagt útá það að keyra um í svona hálftíma í rútu, síðan var farið beint á Pravda. Að fara á Pravda án þess að vera orðinn fullur er eins og að fara í uppskurð án deyfingar. Ákvað að koma mér bara heim og taka DVD í staðinn.
Smá gáta, í verðlaun fyrir rétt svar er… …ekkert.
Þú ert í gameshow, það eru 3 hurðir, bakvið eina hurðina eru 1.000.000$, bakvið hinar tvær er ekkert. Þú byrjar á því að velja eina hurð en mátt ekki opna hana! Þegar þú ert búinn að því þá opnar stjórnandinn aðra af hinum hurðunum sem þú valdir ekki og sýnir þér að bakvið hana er ekkert. Svo býður hann þér að annaðhvort halda þig við hurðina sem þú valdir upphaflega eða skipta og velja hina hurðina sem hann var ekki búinn að opna. Hvort áttu að halda þig við upphaflegu hurðina þína eða skipta, þ.e. hvort gefur þér betri líkur á að vinna?
Svör verða falin þangað til kl. 16:00 á morgun.
Eins og allir lesendur þessarar síðu (allir 3-4…) væntanlega vita eigum ég og Karen von á barni í sumar :). Næsta mánudag er svo sónar þar sem við fáum að vita kynið. Að vita kynið er gott því þá getur maður strax útilokað helminginn af öllum nöfnum. Reyndar erum við búin að pæla í nokkrum nöfnum og útiloka þau nú þegar:
Kemur betur í ljós á mánudaginn, þá getum við útilokað miklu fleiri. Vorum annars í Eymundsson fyrir nokkrum vikum og sáum þar afmælisdagabók. Ákváðum að kíkja á 12. júní (áætlaður fæðingardagur) og lýsingin þar var einhvernveginn svona:
Þú ert mjög jákvæð manneskja. Þú ert svo rosalega jákvæð að stundum fer yfirþyrmandi jákvæðni þín í taugarnar á fólki. Gott starf fyrir þig væri t.d. einkaþjálfari.
Hmmmm. Ég efast stórlega um að mitt barn gæti orðið yfirþyrmandi jákvæður einkaþjálfari!! Sérstaklega þar sem ég er, ehemm, ekki yfirþyrmandi jákvæður og ansi langt frá því að vera einkaþjálfari! Þetta er held ég mesta andstæða við mig sem hægt væri að finna! Kíktum á 13. til öryggis til að sjá hvað gerðist ef þetta drægist aðeins:
Þú ert langt á undan þinni samtíð. Fólk notar oft orð einsog “brjálaður”, “hættulegur” og “sérstakur” til að lýsa þér.
Brjálæðingur eða yfirþyrmandi jákvæður einkaþjálfari? Stefnum definitely á brjálæðing!
Kominn heim af djamminu og vill ekki fara að sofa fyrr en það er búið að renna aðeins betur af mér, nenni ekki að vera þunnur á morgun. Ágætis vísindaferð nema byrjaði alltof snemma! Fórum svo í sal á seltjarnarnesi þar sem var Hlölli við hliðina á. Tók svo rútu niðrí bæ með Grími og Alla vini hans. Skiptinemarnir virtust vera að lenda í slagsmálum í rútunni, þeir og einhverjir íslendingar voru að hrinda hver öðrum og einhverjir aðrir að reyna að stoppa það. Nennti ekki að blanda mér í eitthvað svona rugl, fór bara út og rölti svo heim. Hef kók, nammi, internet og sjónvarp, best að hanga aðeins á netinu áður en maður fer að sofa.
Ekkert finnst mér fáránlegra en SMS-smáskyr. Af hverju SMS? Hvað kemur það skyri við? Hvað næst, GPS-sulta? XML-sinnep? FTP-jógúrt? Þetta er bara rugl!!
“…so that’s a pretty good solution. Except sometimes it fails. Actually, it fails quite a lot. But that’s ok because it looks good on paper and people spend a lot of money on it.”
Dreifð kerfi. Snilld.
“So what do they mean when they say that people who share software are pirates? They are saying that sharing software is the same thing as attacking a ship.”
Kvót frá GNU töffaranum Richard Stallmann, en ég fór einmitt á fyrirlestur hjá honum um open source og free software í staðinn fyrir að fara í stærðfræðileg reiknirit í dag. Hann var mjög töff hugbúnaðarhippi með gleraugu, sítt hár og skegg, og í mjög litskrúðugri skyrtu þannig að hann er augljóslega góður forritari. Hafði miklar meiningar um að hugbúnaður sem er ekki ókeypis og open source væri af hinu illa og að við ættum bara að nota “free software”. Er greinilega ennþá mjög bitur yfir því að Linus Torvalds fær allt kreditið fyrir Linux, sem Richard Stallmann vill að sé kallað GNU/Linux. Hef aldrei séð jafnmikið af nördum á einum stað, og allt strákar!! Hámark 2 stelpur þarna. Verður víst annar fyrirlestur á morgun um “software patents”, sé til hvort ég nenni á hann.