Einar Egilsson

[Nördablogg]

Prófaði að búa til Firefox extension um daginn. Bætir ‘W3C Validator’ option við menu-ið sem kemur upp ef maður hægrismellir á síðu. Undir því er svo submenu með 3 möguleikum, Validate HTML, Validate CSS og Validate Links. Það sendir mann svo á síðurnar hjá w3.org sem sjá um validation-ið. Þetta má nálgast á:

http://einaregilsson.com/download/w3c.xpi

Er ennþá að leika mér í Python. Prófaði að skrifa smá script sem grefur sig í gegnum loggana á vefþjóninum hjá mér og finnur færslur þar sem fólk hefur komið hingað frá leitarvélunum google, altavista, yahoo og leit.is. Úr því er svo hægt að parsa hvaða leitarorð fólk sló inn sem beindi því hingað. Það sem fólk hefur verið að leita að er eftirfarandi:

binary klukka

nylon

“sódóma”

einar

einar á pravda

smáís

“extreme robot fighting”

kaffibarinn djamma

The real ultimate power

“Jóns Gnarr”

marorka

vefþjónustur á íslandi

gestaþrautir

spiderman rúmteppi

veldi í perl

stærðfræðileg reiknirit

Ariston ísskáp

dns lookup

Einar “extreme robot fighting”

lagadeild HR

Ísskápur til sölu

keyra video download

“Bill Hicks”

“ariston ísskápur”

smáís

einarte02 conventional

“Daníel Máni Einarsson

singles

klukka

“Calvin and Hobbes”

todmobile á menningarnótt

Gaman að sjá að ég virðist vera sérfræðingur um Nylon, vefþjónustur á Íslandi og Spiderman rúmteppi. Ég man reyndar ekki til þess að hafa nokkurn tímann skrifað orðið “rúmteppi” hérna þó að ég hafi nú skrifað eitthvað um Spiderman. Það sem fólk er samt oftast að leita að sem leiðir það hingað eru ísskápar, Ariston ísskápar nánar tiltekið. Með því að skrifa þessu færslu er ég svo sennilega að komast ennþá hærra í leitarniðurstöðum fyrir “ísskápur” þar sem orðið ísskápur kemur svona 10 sinnum fyrir í þessari færslu ísskápur ísskápur. Nú er bara að fylgjast með hvort fleiri fróðleiksþyrstir menn sem langar að fræðast um ísskápa komi hérna inn á næstunni ísskápur ísskápur ísskápur.

Hef verið að leika mér í Python undanfarið, fann fína bók á netinu, diveintopython.org. Snilldarmál, Kári forritunarmálakennari hafði rétt fyrir sér. Helmingi skemmtilegra en .NET eða Java. Nú er bara að sannfæra Libra um að skrifa allan sinn hugbúnað í Python…

Var líka að setja upp Linux í fjórða skiptið hjá mér. Ubuntu varð fyrir valinu í þetta skiptið. Lítur vel út, get notað sama profile í Firefox og Thunderbird í Win og Linux þannig að það er auðvelt að nota það samhliða hvort öðru. Það eina sem fer í taugarnar á mér við Linux er að fontar líta oft út eins og krapp! Ef maður setur Anti-Aliasing á þá verður allt smudgy og ljótt en ef maður tekur það af þá líta allir stafir ótrúlega illa út. Ef einhver linux snillingur gæti sagt mér hvernig maður lagar þetta þá væri það vel þegið.

Hah! Ég er búinn að finna leið til að skoða BBSið hérna heima þó það eigi ekki að vera hægt utan skólans! Verst að það er frekar gagnslaust þar sem það er búið að loka á lykilkortið mitt :(.

Haha, nýr póstur frá dr. Kristni gervigreindartöffara að auglýsa sumarstarf. Hér eru kröfurnar til umsækjenda:

“Nauðsynlegt er að hafa reynslu í Java forritun. C++ forritunarreynsla er æskileg. Góð er tök á íslenskar tungumál einnig góð góð.”

Snilldarfyndinn gaur

Jæja, erum núna að leggja lokahönd á þetta blessaða lokaverkefni. Erum búnir að sitja hérna sveittir í fjóra mánuði við að gera þetta sem best og held að þetta hafi bara komið mjög vel út. Nú er bara djamm á morgun, sýning 19. og útskrift 11. og þá er maður orðinn tölvunarfræðingur :). Erum búnir að vera hérna alla daga og kvöld síðustu vikurnar og húmorinn er orðinn nokkuð súr. Þær setningar sem hafa oftast heyrst undanfarna 4 mánuði hérna í kompunni okkar eru eftirfarandi:

“Getum við ekki notað message queue í þetta?”

“Ertu með alvöru gögn eða ertu að gengereita?”

“…þetta er bara einsog röð af ljósmyndum”

“Word formatting er DAUÐI!”

“Nú verðum við bara að forrita eins og vindurinn!!”

“Eruði búnir að skrá tímana ykkar?”

“Það er eitthvað crappity í gangi”

“Eigum við ekki bara að sleppa stærðfræðilegum reikniritum?”

“Ertu búinn að tjekka inn?”

“Ertu búinn að getta latest?”

“Finnur, geturðu sagt mér aftur hvað ávöxtunarkrafa er?”

“Æi, eigum við ekki bara að gera bloggkerfi?”

[Bara fyrir tölvunarfræðinema í lokaverkefni…]

Það sem Hrannar ætlar að hafa á legsteininum sínum: “Hrannar Örn Jóhannsson: Object reference not set to an instance of an object”. Þetta fannst mér mjög fyndið þegar Hrannar sagði það í gærkvöldi eftir að við vorum búnir að eyða 12 tímum í að laga villur í forritinu okkar. Ég verð með gjörsamlega ónýtan húmor þegar þetta lokaverkefni verður búið!

Nenni ekki lengur að hafa MSN bottinn keyrandi hjá mér þannig að ekki búast við að sjá hann online á næstunni. Hinsvegar setti ég forritið hérna inn þannig að ef einhvern langar að ná í forritið og prófa þá er það velkomið. Ef einhver vill breyta því sem bottinn skilur og svarar þá er bara að opna textaskrána MsnBot.bot í notepad og skrifa eitthvað nýtt inn. Forritinu er hægt að downloada hér.

Þegar ég var í 10. bekk árið 1996 þá var ég í tölvufræðiáfanga. Hópurinn minn var valinn til að taka þátt í CyberCity 2002, samnorrænu verkefni sem gekk út á að spá í hvernig heimurinn yrði í framtíðinni, nánar tiltekið árið 2002 (Rosa langtímaspá! Núna er ég að byrja á öðru framtíðarverkefni þar sem ég spái fyrir um hvernig heimurinn verður eftir helgi). Okkar hópur var tölvuhópurinn, svo voru aðrir skólar sem voru með myndlistarhópa, tónlistarhópa o.fl. Haustið eftir 10. bekk fórum við svo til Danmerkur að hitta krakka frá hinum Norðurlöndunum sem tóku þátt í sama verkefni. Allan 10. bekk vorum við í tölvufræðitímum að vinna í þessu verkefni, þetta var í fyrsta sinn sem ég prófaði internetið. Við lærðum að búa til vefsíður, lærðum HTML og hvernig ætti að skanna inn myndir og vinna með þær í Photoshop. Við unnum í þessu allan veturinn, lærðum heilmikið, strituðum við að gera þetta eins flott og mögulegt var og afraksturinn varð…

…ljótasti vefur í sögu Internetsins!! Hræðilegir bakgrunnar, skelfilegar litasamsetningar, fáránlegar textastærðir o.s.fv. Fannst þetta nú samt ansi flott at the time :).

Ég var löngu búinn að gleyma þessum vef, en ég og Bjarni fórum að tala um þetta um daginn og þá sagði hann mér að vefurinn væri ennþá til. Ég fór að leita að honum en komst að því að hann væri ekki lengur til á sínum rétta stað en þökk sé Internet Archive þá fann ég gamalt afrit af honum. Ég ákvað að bjarga þessum gullmola internetsins fyrir komandi kynslóðir og setja hann upp hérna á síðunni hjá mér. Hér getið þið séð: CyberCity 2002! Mitt framlag var hið rosalega bíó framtíðarinnar, Bjarni gerði framtíðarhverfisskipulagið og herbergi framtíðarinnar og Friðrik gerði geimferðir framtíðarinnar.

Hér má sjá dæmi um geysiöfluga Photoshop vinnslu!

Hér má sjá verstu kredit síðu ever.

Hér má sjá bíla sem eru orðnir 3 ára í dag.

Forritandi án hjálms. Ekki töff!

Forritandi með hjálm. Töff!

Forritandi með svarthöfðahjálm. Mest töff!!

Snilldarhelgi. Fórum í vísindaferð á föstudaginn í Landsteina-Streng. Síðast þegar við fórum þangað fyrir 2 árum sögðu þeir okkur frá því að þeir væru með forritara út um allan heim, meðal annars á einhverju átakasvæði í Kúveit þar sem þeir væru forritandi með hjálma. Ég og Bjarni erum búnir að tala oft síðan þá um hversu svalt það væri að fá að forrita með hjálm en því miður sögðu þeir okkur núna að það væru engir forritarar hjá þeim í Kúveit lengur. Finnur sagði samt að Libra væri alveg opið fyrir því að leyfa okkur að forrita með hjálma þannig að ekki er öll von úti enn.

Eftir vísó var svo partý í einhverjum sal í skeifunni þar sem var brjáluð kelling sem átti salinn, var skúrandi dansgólfið meðan fólk var að dansa og reif af manni glös og bjórdósir um leið og maður setti það niður eftir síðasta sopann.

Á laugardaginn var svo afmælispartý hjá Bjarna sem var mjög fínt, hitti meðal annars Eggert, gamlan skólafélaga sem er orðinn yfirkokkur á fínum veitingastað og er búinn að vinna sem kokkur í London og New York. Fórum síðan í bæinn, fór með Bjarna, Grím og Vigga á 11, Kaffibarinn og Sirkus (”What a shitty circus, there’s no animals or clowns!”, hver þekkir kvótið? ). Endaði svo á að fá mér Kebab með Hrannari áður en ég fór heim.

Eyddi síðan gærdeginum í leti. Svo var Skjár 1 að sýna Dirty Harry um kvöldið þannig að það var snilld. Vantaði einhverjar góðar sunnudagsmyndir síðan Rocky hætti, Bleiki pardusinn var ekki alveg að gera sig. Clint Eastwood er náttúrulega mesti töffari á jörðunni, jafnvel þó hann hafi verið í köflóttum jakka. Snilld!